HAPPY SHARE - 睇場有咩著數可以R?

以前做過catering sales，見盡不少結婚的客人。如果要說，可以另寫幾日幾夜blog。今天心血來潮，和大家分享一下在有級數的場地擺酒，有咩精選十項可以R!

  

前題:

- 大家要R著數，前題要俾到最少圍數/ 最低消費 ，如果唔係睬你都傻! (廢話!)

- 當然R著數的能力是隨著您的消費力而上升! (也是廢話!)

1. 場地面積 – 有時場地會按圍數/消費而劃分，如您足20圍才會給您全場這些情況。不過，婚宴其實是很煩瑣的event，一般夜晚有婚宴便不會有其他events，因為很多房間都用於婚宴了，所以您可以嘗試問多要埋foyer做接待，要多間房做麻雀房，新娘房， 做證婚，包全場等。如果酒店沒有其他events，您都可以問下。

2. 交場時間 – 老實跟sales說幾點要場地，上午沒events，下午您幾點要都無問題。(當然您呢段期間您唔要佢任何service，因為請server係要錢的!)

3. 酒水 – 酒水free唔free，要睇package， 一般酒店/會所都企硬，但可以試R酒水時段，R免費開瓶費會比較容易。

4. Car Park – 一定要清楚包幾多車位，因為Car Park 對酒店來說是fixed cost，有的話實俾您 (雖然話要諗下先) ，如果您的場地在新界或機場等地方，真是應該要free埋俾您!

5. 房間 – 酒店擺酒通常包一晚房間，如果您位數眾多，自命豪客，不妨試R多幾間房，要free upgrade，或R多晚擺野。如果您擺真正的5星酒店，R埋去honeymoon同一酒店集團的海外房間仲得! 酒店不是full house的話，房間放著也是得個吉~

6. 早餐 – 酒店包早餐通常在Café食，但如果BIG DAY時間很趕，或想在房裏睡晚一點的話，可以問下可否轉Room service (客房餐飲) 早餐，這樣便可以很舒服在房間裏歎早餐了!

7. 邀請卡 – 其實現在很多人都喜歡DIY請柬，不用場地送的。但如果想慳錢，便要一枱12張吧!

8. MENU – 很多時場地的優惠在婚展先有，但現在一年咁多婚展，所以您要優惠即使不在婚展期間，都不妨同場地講! 不過，講之前記住做資料搜集，顯示您的誠意。

9. 交通 – 如果場地本身有接送巴士，可以試問可否加長服務時間。有人甚至試過加長limousine (豪華客車)服務。

10. 其他設施/服務 – 如早一天送物資到，要存放地方，要safety box、steamer熨衫、衣架、拖鞋、畫架、mic等等，都不是大問題。

老實說，新人當然想慳得就慳，但作為過來人，各位新人都應該體諒下catering sales，有時新人的要求真的令人很難過，如要求晚上8點/9點/10點來睇場，其實他們只是一般的打工仔，又沒佣收，放6點OT一兩小時不是問題，但心裏都很想早點回家陪自己的家庭/ 情人唷~ 大家試想您是他們，您9點來睇場，他們會開心地招呼您嗎?會想給您著數嗎?希望大家都皆大歡喜吧!